أمثال لبنانيّة - منتديات ليب مون - موقع لبناني صور وأخبار لبنان
Loading...
اختر لونك المفضل


قديم 11-03-2008, 09:07 PM   #1
قـمر جـديد
تاريخ التسجيل: Sep 2008
الدولة: Lebanon
المشاركات: 7
افتراضي أمثال لبنانيّة

1-الهريبة.. تلتين المراجل
2-الطمع ...ضرّ ما نفع
3-الولد ولد ...ولو حكم بلد
4-الجار قبل الدار...، والرفيق قبل الطريق
5-طب الجرة عتما... بتطلع البنت لأمها

6-دق المي... مي
7-الإيد اللي ما فيك تعضها...، بوسها وادعي عليها بالكسر
8-عمول منيح... و كب بالبحر
9-منحكي من اللشرق... بيرد بالغرب
10-لي ما إلو حظ... لا يتعب ولا يشقا

11-حظّو من السما... اللي ما عندو حما
12-قلبي على ولدي... و قلب ولدي عالحجر
13-علمنيهن عالشحادة... سبقونا عالابواب
14-اذا كان حبيبك عسل ...ما تلحسو كله
15-كلب صديق،... افضل من صديق كلب

16-الجمل لو بشوف حردبتو،... بيقع و بفك رقبته
يلي في مسلة تحت باطه... بتنعره -17
قاضي الاولاد... شنق حاله -18
يلي بيدق الباب... بيسمع الجواب-19
20-بحكيكي يا جارة... لتسمعي يا كنة

21-بحصة... بتسند خابية
كبوا القهوة من عماهن... وقالوا الخير اجاه -22
23-ضربه و صيبه...، و قول هيدا نصيبه
24-عصفور بالايد... ولا عشرة عل شجرة
25-قدها قد الفارة ...و صوتها بتلّي الحارة

26-منكون عم نحلق... منصير عم نأبيع ضراس
27-ضربني و بكى... صبقني و شتكى'
28-ما تقول فول... تيسير بالمكيول
29-يا كنيسة الرب...، اللي بالقلب بالقلب
30-ما حدا بقول... عن زيتاته عكرين

31-عنزة... و لو طارت
32-العنزة الجربانة... ما بتشرب اللا من راس العين
33-اذا فات الفقر من الباب ... بيودهر الحب من الشباك
34-الف مرة جبان ... ولا مرة الله يرحمه
35-بتلهي الدب.... عن عليأه

36-يلي بيتجوز بالدين... بيجيب اولاده بالتقسيط
37-الكلب يلي بدك تجرو عالصيد... لك بالي و بلا صيده
38-الباب يلي بيجيك منه ريح... سدو و ستريح
39-يلي بيلعب مع البسين... بدو يتلق خراميشه
40-اعطي خبزك لالخباز ... و لو اكل نصه

41-بياخدك عالبحر... و بيردك عطشان
42-الخي خي مراتو .... والاخت بتحلف وحياته
43-إجا ت يكحلها...، قام عماها
44-تيحي الصبي،... منصلّي عل نبي
45-لا بعمره طول سند حيط،... و لا جمال فتح بيت

46-عرج الجمل... من شفتو
47-لا تنيم حد القبورا.... و لا تشوف منامت وحشه
48-جبنا الأقرع ت يونسنا....، كشّف عن قرعته و فزّعنا
49-بعيد عن العين....، بعيد عن القلب
50-أنا و إبن عمي عجاري.... و أنا و جاري عل غريب

51-الدم ... ما بسير مي
52-اللي بدك منّو... بدّو منك
53-العز للرز...، و البرغل شنق حاله
54-يا مبدل غزلانك... بقرود
55-متل الزهر...، بيغيب سنة... وبيحضر شهر

56-تْدَيَّن ودَيِّن.....، بتغرق ما بتبيِّن
57-حايص متل.... دجاجة بدها تبيض
58-كل مين لقاني أرملة.... كشَّف وإجاني هرولة
59-جازة نصرانية:... لا فراق الا بالخنَّاق
60-لحاق الكذّاب.... ع باب الداد

61-إللي بيعوز الكلب بيقول له..... صبحَك بالخير يا سيدي
62-حمار حَمَّلوه كُتب....، خمَّن حالو صار يعرف يِقرا
63-الداخل بالسياسة.... متل الداخل بتنكة الكناسة
شمس شباط لكنتي....، وشمس آذار لبْنَيْتي...، وشمس نيسان لشيبتي
64-شو أحلى من العسل؟.... الخل ببلاش
65-اللي بدك منّو.... بدّو منك

66-كل ما احتاجنا طنّوس.... منقلّو طنّوس حاف
وكل ما احتجنا طنّوس منقلّو تفضّل يا معلّم
67-خود اسرارهم... من صغارهم
68-ابن الخمسين.... زهر البساتين
69-يلّي بيعملك حمار،... البُطه
70-إللي بيكبّر فشختو... بيوقع

71-اذا بدّك تخرب بلاد....، ادْعي عليها بكتر الرؤسا
72-شو بدي اترجى منك يا سفرجلة وكل عضة بغصّة؟
73-شو ما طبخت العمشا ... جوزها بيتعشى
صام صام ...وفطر على بصلة -74
75-عيش الفهيم مع البهيم... داء سقيم

76-البيت بيت أبونا... والناس بيخانقونا
77-إن عجبنا الكحل تكحلنا... وإن ما عجبنا ترحلنا
78-إذا كنتِ وحشه... كوني نغشه
79-إجريها عوج ...وبدها بابوج
80-الجنة من دون ناس ... ما بتنداس

81-اللي ما بدو يزوج بنته.... بيعلي مهرها
82-الناس بدارك.... والمفتاح بزنارك
83-قلّو ثور ... قال احلبو ه
84-لو بدّا تشتي.... كانت غيّمت
85-المكتوب.... بينقرأ من عنوانه

86-بزرعك بين البقدونس.... بلاقيك بين الكزبرة
87-زوجك على ما تعوديه ... وابنك على ما تربيه
88-حبيبي بحبو.... ولو كان عبد أسود
89-صهر بيسند الضهر ... وصهر بيجيب المجرفة للقبر
90-إللي بيأكل خبز السلطان.... بحارب بسيفو

91-شبعنا وشبعت كنتنا .... وبنت الحلال بتشبع من لقمة
92-حارة وشبابيكها حمر ....، والعيشة فيها بتقصف العمر
93-هدية المقرف .... ليمونة محمضة
94-حِيَل النسوان.... بتنزِّل المحادل عن السطوح
95-ثلاثة ما بينعاروا: السلاح و السيارة والمرا

96-أكل الهوا... لِلْواطي دوا
97-الاعور... بين العميان ملك
98-قالوا للبغل مين بيَّك؟... قال: الحصان خالي
99-يلّي ستحى من مرتو ... ما جاب ولاد
100-يللي بيته من قزاز ... ما يراشق الناس بحجارة

101-ذيل الكلب حطوه بالقالب اربعين سنة... وبقي أعوج
102-البحر الهادي خاف منّو ... والبحر الهايج اقطع عنه
103-اشكيلي تإبكيلك,... وابكيلي تإشكيلك
104-من بعد حماري... ما ينبت حشيش
105-على حظك يا حزينة... سكرت ابواب المدينة

106-حد العقرب لا تقرب... وحد الحية فروش ونام
107-يا عنتر مين عنترك .... قلهن ما لقيت حدا يردني
108-على قد بساطك ... مد اجريك
109-كل فوله ... و إلها كيا لها
110-إذا حسنت سيرك ... لا تخاف من غيرك

111-إذا تعوق مرسالك.... قول الخير جالك
112-اتعب على الشي... بتلاقي
113-ابنك و هو زغير ربي... و لم يكبر خاوي
114-إللي بيكبّر فشختو ....بيوقع
115-انطر الواصل... تيوصل

116-اكتر من قرد ... ما مسخو الله
117-تزوّجنا وجبنا غريبة، زِوان بلادك ولا القمح الصليبي
118-التكرار بيعلّم الحمار
119-ثلاثة ما بيتخبّوا: الحُب والحَمل وركوب الجمل
120-جهل الختيار ما لو دبّار

121-حسبنا الباشا باشا، تاري الباشا زلمه
122-الرجّال ولو كان فحمة، وجوده بالبيت رحمة
123-ظلم الحكام، وكيد النسوان، وعناد الرهبان
124-ظلّيت صلّي حتى حصل لي، ولما حصل لي بطّلت صلّي
125-اللي بتطَيلعهن السمرا ما بيكفّوها خطوط وحُمرا

126-طبني طبتك العافيه
127-مثل الأطرش بلزفه
128-قال شو يلي رماك عالمر إلا إلي أمر منه'
129-تمسّك بنحسك لا يجيك انحس منو'
130-سِدّو من فوق بيحكي من تحت

131-حايص متل دجاجة بدها تبيض
132-بيّو بصل وأمّو توم،... ومن وين بدها تجي الريحة الطيبة؟
133-نسيت يا فلاح زمان كان كعبك مفسَّخ ....والزبل محشي فيه!
134- متل الابرة بتكسي... الناس وهيي عريانة
135-إن بزقنا لفوق ع شواربنا ...وإن بزقنا لتحت ع ذقنّا

136-ناس بتاكل دجاج، وناس بتوقع بالسياج
137-القط بحب خناقو
138-اركب الديك وشوف لوين بيوَدِّيك
139-ما في قبيلة ما طلع منها هبيلة
140-تلاتة ما بينطاقوا: الطق والنق والبق

141-ثلاثة ما بينعاروا: السلاح والدابة والمرا
142-ألف سلّم ما بيطالوا راسو
143-مات كلب المير، كل الناس عزّت فيه
مات المير ما حدا اهتم فيه
144-يلّي باعك ببصلة، بيعو بقشرتها
145-ألف دعوة ما مزّقت قميص، وألف زلغوطة ما جوّزت عريس

146-العريس اخذ العروس، والمعازيم رجعوا متل التيوس
147-بينشرب مع المَي العكرة
148-لابق للشوحة مرجوحة و لأبو بريص قبقاب
149-طلع طلوع القرع، ونزل نزول الباتنجان
150-الدِّيك بيموت وعينو بالمزبلة

151-عزيمة الحمار للعرس، يا للحطب يا لزقّ المَي
152-بياكل البيضة وقشرتها وبيقول ما شِفت شي
153-فالج و لا تعالج
154-متل الأملة براس الأقرع
155-إن بزقنا لفوق ع شواربنا وإن بزقنا لتحت ع ذقنّا

156-صار للخرى مرا وبيحلف عليها بالطلاق
157-الولد لو بار تلتينو للخال
158-قلبي من الحامض لاوي
159-اذا مش صحيح فأل منيح
160-لا الفارة طاهرة ولا دعاها مستجاب

161-صار لدبانة دكانة وصارت تسكر على بكير
162-كل واحد بنام على الجنب يللي بيريح
163-عيش يا كديش لينبت الحشيش
164-بعد حماري ما ينبوت حشيش
165-خبي قرشك الابيض ليومك الاسود

166-الغايب حجتو معو
167-خير الصباح ولا شر المسا
168-لا للسيف ولا للضيف ولا لعتمات الليالي
169-كل ديك على مزبلتو صيّاح
170-الكحل احسن من العمى

171-عينو فيها وتفو عليها
172-البحر الهادي خاف منّو والبحر الهايج اقطع عنه
173-اذا تعاديت اترك للصلح مطرح واذا تحابيت اترك للبغض مطرح
174-كرمال عين تكرم مرج عيون
175-من برّا هالله هالله ومن جوّا يعلم الله

176-أسعد إيّامك تنفيذ كلامك
177-حاكمك وربّك .... لمين بتشكي أمرك
178-الحبّ ستّار العيوب
179-العقل جوهرة
180-راسه كبير وعقله صغير

181-متل الجرس عدنب بغل
182-بيبني علالي وقصور في الهوا
183-يا جبل عالي ما بهزّك ريح
184-شمّام هوا قطّاف ورد
185-عالم بلا عمل متل الغيم بلا مطر

186-جوّع هرّك ياكل فارك، شبّع كلبك يحرس دارك
187-إتّفق القطّ والفار على خربان الدار
188-حكّلي تحكّلك
189-تيتي تيتي، متل ما رحت متل ما جيت
190-بكانون كن وعالفقير حن

191-أيلول طرفه بالشتي مبلول
192-متل غراب نوح
193-لمّا بيحضروا الملائك بفلّوا الشياطين
194-حبّ الصدق ولو ضرّك وابغض الكذب ولو سرّك
195-العقل زينة

196-غلطة الشاطر بألف
197-ما بحك جلدك الّا ظفرك
198-يللي مأمّن للرجال متل المأمّن للمي بالغربال
199-كل واحد بيتعلم من كيسو
200-الكذب ملح الرجال

201-دخول بجنازه ولا تدخل بجازه
202-مابحط إدي تحت بلاطك
203-فخار يكسّر بعضو
204-لا بهش ولا بنش
205-بين تشرين وتشرين صيف تاني

206-الحاق الكذاب على باب الدار
207-بنيسان إطفي نارك، وافتح شبابيك دارك، واسبح بالشمس لزنّارك
208-عين بعين وسن بسن والبادي أظلم
209-الكلب خي الواوي
210-بآذار بتساوي الليل بالنهار

211-راحت الحزينة تفرح ما لاقتلا مطرح
212-مثل طيزين بفرد الباس
213-ياما ستّي إلها عند جدّي
214-ختفا مثل فص ملح و ذاب
215-ظمت مثل الشعرة منلعجينه

216-المنحوس منحوس ولو علّقولو فانوس
217-يللي بيعرف بيعرف ويللي ما بيعرف بقول كف عدس
218-يللي بشوفني بعين بشوفو بعينتين
219-الإيد يللي ما بتحط ما بتشيل
220-مطرح ما بتحط راسك حط إجراك

221-قالولو للحرامي حلف، قللن إجا الفرج
222-ذنبك ع جنبك
223-وقع الفار عن الرف لقطوا القط وقللوا: الله الله، ردَ الفار عليه ةقللوا : اسلم من شرك و انا بخير من الله
224-خدوا البنات من صدور العمات
225-رزق الهبل... على المجانين

226-الولد يللي مش منك... كل ما جنَ فرحلو
227-الكلاب... ما بتعض بعضها
228-يللي بيتزوّج من ملّة غير ملّته... بيموت بعلّة غير علّته
229-العقل زينه... والخوتين بالدزينه
230-طارق هبله... متليي السهله

231-يلي بفتش عن ربه... بيلاقيه
232-العقل زينة... وعادمتو حزينة
233-الناس بالناس... والقطة بالنفاس
234-طول عمرِك يا زبيبة... بطيزك هالعُودة
235-خِدي ختيار يدلِّلك... ولا شاب يبهدِلِك

236-توب العياري ما بيدفّي... وإن دفّى ما بيدوم
237-الرجّال مش شكلة... تَ تحطّيه ع راسِك
238-إجوا يبيطروا خيل السلطان... مدّت الخنفسة إجرها
239-فوله... و مقسومه
240-خليها بلقلب تجرح... و لا تطلع و تفضح

241-حظ عطيني... و بلبحر رمني
242-الدفا عفا... لو بعز الصيف
243-زوّج بنتك لمال... وابنك لرجال
244-مين خرج من دارو... قل مقدارو
245-خبي فحماتك الكبار... لشهر اذار

246-واحد بيربي ذقنه... والتاني بيتعب فيها
247-هيك أشبال... من هيك لبوى
248-يا إسوارتي بحبك... بس ع غير زندي لأ
249-نام بكير وقوم بكير... وشوف الصحة كيف بتصير
250-أوّل دخولو... شمعة عطولو

251-مين ما اخد امي... بيصير عمي
252-ان اقبلت باض الحمام على الوتد... وان اقحلت بال الحمار على الاسد
253-إن صاحبت صاحب أمير... حتى نعيروك تستحق التعيير
254-إن صاحبت صاحب أمير... ون سرأت سرؤ حرير
255-فوق الدكة ... شرطوطة

256-إجريها عوج... وبدها بابوج
257-ستي من غير وحام .... مريضة
258-العين ما بتعلى... عن الحاجب
259-يا آخذ القرد على ماله بيروح المال وبيبقى القرد على حاله
260-شاف النجوم... بعز الظهر

261-باع المي.. بحارة الصقايين
262- كومة حجار... ولا هل الجار
263-الشيبة... هيبة
264-بَوس الأيادي... ضحك عالذقون
265-جارك القريب ...ولا خيك لبعيد

266-اذكر الديب .......وهيي القضيب
267-الدنيي... ما بتخلا من الأوادم
268-الله لا يتقّل فيي أرض... ولا يحكّم فيي عبد
269-أصابع الإيد... مش كلا متل بعضها
270-الدنيا لو خليت... بليت

271-مش وجه... هل ويج
272-خدو اسرارهم... من اصغارهم
273-أريت هبله... متليه السهله
274-شو هلشدي... يا جدي
275-باب النجار... مخلّع

276-الجنة من دون ناس... ما بتنداس
277-اضرب الحديد... وهو حامي
278-عين بعين وسن بسن ...والبادي أظلم
279-الآباء يأكلون الحصرم... والأبناء يضرسون
280-كثرة الطباخين... بتحرق الطبخة

281-حتى الذبان الأزرق... ما بيعرف وينه
282-لبّس العود ....... بجود
283-شو بدا تعمل المشطة ...بالوجه العكر
284-لبّس المكنسة،.... بتسير ست النسة
285-السكافة حافة،... و الحايك عريان

286-معلم الخرى... بحط الحق عل عدّة
287-يا بنتي تخت جبتلك ...بس حظ من وين بجبلك
288-تخت جبتلك... بس حظ من وين بجبلك
289-حبل الكذب... أصير
290-عل وعد ... يا كمون

291-مش كل شي بيلمع... دهب
292-دفنينو ...سوا
293-يا منا... تعو لا عنا
294-الله يوفق... تنسفق
295-بدك تاكل عنب... أو تقتل الناطور؟

296-عاشر القوم اربعين يوم ... يا بتصير متلن يا بترحل عنهن
297-قام الدب تيرقص ... قتل سبعة تمن تنفس
298-لي بئمنك على أولاده... بموتو من الجوع
299-يا رايح... كتّر القبايح

300-الرجال بالبيت رحمه ... و لو فحمه
301-حط المرا و بليس بالكيس.... بيطلع بليس عم يستغيث!
302- البيت لبتديرو مرا... كرمالو لورا
303-وراء كل رجل عظيم ... مرأة
304-أمن بلحجر... تبرا
305-إبن الابن الحبيب... و إبن البنت إبن الغريب

306-أخرس عاقل... و جاهل ناطق
307-إترك الشر... بيتركك
308-بيت رجال ... ما بيت مال
309-أمّ القاتل بتنسى،... أمّ المقطول ما بتنسى
310-البلد ألّي بتوصلها... كل بصلها

311-النظافه ... من ثلثي الصحة
312-النظافة... من الامان
313-نيّال يللي عندو.... مرقد عنزة بلبنان
314-ما أعز من الولد.... إلّا ولد الولد
315-قالوله وصل التعريص عدارك ،... قالن طيزي بألف خير

316-السكوت... علامة الرضى
317-يللي مش عاجبو..... يبلط البحر
318-أحلى دوا... شم الهوا
319-بين حقك ... و تركو
320-كل الطرقات... بتودي عالطاحون

321-ما في دخان... بلا نار
332-الغوى بدو... قوا
333-ضيعتين نعزمو... عا قلي بيضتين
334-الخفه بالروح... و الثقل بالطيز
335-بيعمل من الحبة... قبة

336-يللي بدو يذوق النح ...ما بدو يقول اح
337-مثل الأربعاء... بنص الجمعة
338-يعني ضربه فيي...و ضربه بلاشرفيه
339-عين فيي و عين... بالميه و ميه
340-ضربة عالحافر .... ضربة عالمسمار

341-ما بيعجبهن العجب... ولا الصيام برجب
342-من قلّة الرجال .... سمّوا الديك ابو قاسم
343-بدوي كترو سمناته... قام دهن بيضاته
344-حبيبي منيح... وإجيتو نسمة ريح
345-رجال بالبيت... ولا شهادة عالحيط

346-ابعد عن الشر... وغنيله
347-الندر للدير... والخرا عسمعان






آخر مواضيعي

0 أرض في المتن
0 أمثال لبنانيّة
0 أرض للبيع في منطقة أنطلياس
0 للبيع أرض في منطقة عين سعادة
0 أرض في المطيلب

assaad33 غير متواجد حالياً   رد مع اقتباس
قديم 11-03-2008, 11:17 PM   #2
قـمر مـشارك
تاريخ التسجيل: Nov 2008
المشاركات: 120
افتراضي

ohh kamous amtal mashalla . thank you very much
__________________



Ink runs in my veins
للإطلاع على أخر المشاركات
http://www.lebmoon.com/vb/t3161.html

http://www.lebmoon.com/vb/t3160.html
آخر مواضيعي

0 نساء وأزهار
0 من دفتر ذكرياتي ،،،،حنين
0 in da club...العربي
0 من دفتر ذكرياتي ،،،جراح منسية

fantom غير متواجد حالياً   رد مع اقتباس
قديم 11-04-2008, 06:40 PM   #3
الـمشرفة الـعامة
 
الصورة الرمزية Honey Girl
تاريخ التسجيل: Sep 2008
الدولة: حالياً.. هووون
المشاركات: 77,303
افتراضي

يعطيك الف عاافيه
كلــ التحيهــ لكــــ ،،،،،

__________________
آخر مواضيعي

0 المر يمدد تراخيص حمل الأسلحة
0 رابطة الثانوي تقر الإضراب الأربعاء
0 للرجال إحذر هذه الأشياء أثناء تعاملك مع المرأة من كل برج!!
0 حظك مع الابراج ليوم الاثنين 2/2/2009
0 الأذن اليمنى تهمس للتعاطف!!!

Honey Girl غير متواجد حالياً   رد مع اقتباس
قديم 11-04-2008, 06:46 PM   #4
{.::قــمر مــبدع::.}
 
الصورة الرمزية ali khoder
تاريخ التسجيل: Oct 2008
الدولة: في أوهامي داخل عاصمة الالم والحزن
المشاركات: 2,122
افتراضي

حلو وشكرا" كتير
__________________
لماذا نحب ونعشق ان كان الحب الم ودموع؟؟ -_-
آخر مواضيعي

0 مشاهد من هجوم اسرائيل على غزة
0 لغـز صعب نوعا ما وللأذكيـاء فقط...
0 أحوال النساء في الجنة
0 ماذا فقدت في حياتك الخاصة بسبب النت
0 أين أنا

ali khoder غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
«ال بي سي»: دراما لبنانيّة وتركيّة وبرامج جديدة Honey Girl أخبار فنانات وفنانانين لبنان والعالم 1 09-10-2011 06:11 PM
نشاطات لبنانيّة على امتداد فصول السنة moon-light منتدى المدن والقرى اللبنانية 4 12-13-2010 01:27 PM
فتاة لبنانيّة خطفت قلب وسام كاظم الساهر!! Honey Girl أخبار فنانات وفنانانين لبنان والعالم 13 11-27-2009 07:11 PM
حكم و أمثال عبدالرحمن شهري حكم وأمثال لبنانية وعربية 4 06-17-2009 08:28 PM
أمثال زينب حكم وأمثال لبنانية وعربية 9 09-28-2008 01:21 PM


الساعة الآن 04:09 PM


Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
© جميع الحقوق محفوظة لمنتديات ليب مون قمر لبنان 2016.