بنااااااااااااااااااات روما ( حصري ) - منتديات ليب مون - موقع لبناني صور وأخبار لبنان
Loading...
اختر لونك المفضل


قديم 04-02-2009, 03:05 PM   #1
{.::قــمر مــبدع::.}
 
الصورة الرمزية FIDAA 88
تاريخ التسجيل: Mar 2009
الدولة: هووووون
المشاركات: 2,808
Thumbs down بنااااااااااااااااااات روما ( حصري )

سأضع هنا حلقات مسلسل بنات روما الذي اتابعه على الإنترنت

نبذة صغيرة



بنات روما






ستة بنات من عائلة لبنانية يعشن في أحد الأحياء العربية في روما عاصمة ايطاليا ...





هيام شلق ، الأخت الكبرى باحثة اجتماعية ، كانت مخطوبة سابقا ً لطبيب نفسي يدعى رامز ...






نادية مرشدة سياحية متزوجة تعيش في لبنان مع زوجها جودت...






رؤى ضابطة شرطة مسترجلة تفضل العنف عن التفاهم هذا ما يجعل زملائها ينفرون منها وخاصة ً هشام ...






ياسمين وهي طاهية بارعة تعمل في مطعم راقي مع مساعدها آدم وهو رجل افريقي يتحدث اللغة العربية الفصحة وكليهما يعملان لدى أنور مدير المطعم الذي يبدو انه معجب بياسمين ...





ميسون جميلة رشيقة وسليطة اللسان همها الوحيد ان تصبح ملكة جمال او عارضة ازياء مرموقة تعيش حياتها على الطريقة الغربية فهي تكره العادات والتقاليد وحلمها الزواج بملياردير ...




وأخيراً الأخت الصغرى نيران ( نيرا ) وهي تعاني من مشكلة نفسية وهي كونها انعزالية لا اصدقاء لها ، فهي تعاني من عدم الثقة بمن حولها ، وهي طالبة جامعية تدرس فن الإخراج والتصوير ودائما ً ما تحاول هيام مساعدتها على الإختلاط بزملائها وتعاملها كطفلةٍ صغيرة من شدة قلقها عليها وهذا ما سبب انفصالها عن رامز والذي هو أحد اساتذة نيرا في الجامعة .





وسرعان ما تتغير حياة نيرا عندما تقابل أحد أصدقاء رامز في جامعتها ( مهند ) والذي يهتم بحل قضايا جرائم القتل ، حيث يعجب مهند بها ويحاول اخراجها من القوقعة الإنعزالية التي تعيش بها لكنها سرعان ما تكتشف انه من عائلة ملكية مرموقة في روما وهنا يبدأ صراعها الأليم مع الحياة ...








__________________
آخر مواضيعي

0 موقع خطير يريك جواز سفرك‏
0 هل تحب أمك ..؟؟ ادخل اذا
0 لعبة أحلى تحية
0 موسوعة النكت ( بتفرط من الضحك )
0 مقابلة مع نجوم قمر لبنان


التعديل الأخير تم بواسطة FIDAA 88 ; 04-02-2009 الساعة 03:09 PM
FIDAA 88 غير متواجد حالياً   رد مع اقتباس
قديم 04-02-2009, 03:13 PM   #2
{.::قــمر مــبدع::.}
 
الصورة الرمزية FIDAA 88
تاريخ التسجيل: Mar 2009
الدولة: هووووون
المشاركات: 2,808
Thumbs up البداية

البداية














منذ 15عام :

( هيام 15 عاما - نادية 13 - رؤى 11- ياسمين 9 - ميسون 8 - نيران 4 )

في لبنان ( بيروت )








جهاد شلق متزوج من ميرنا اودولف ولديهما ستة فتيات هيام نادية رؤى ياسمين ميسون و نيران ...



بعد ان تكتشف الأم ميرنا ان زوجها جهاد قد تزوج من امرأة اخرى ، تطلب منه الإنفصال ... وتقرر اخذ الفتيات معها و الإنتقال بهن الى روما ... وبعد محاولات عديدة من جهاد في محاكم روما لإسترجاعهن رفضت المحكمة رفضاً باتاً وذلك لأن الفتيات من ام ايطالية وهن يحملن الجنسية الإيطالية ايضاً ...

بعد 5 اعوام :


( هيام 20 عاما - نادية 18- رؤى 16- ياسمين 14- ميسون 13- نيران 9 )

في لبنان يقتل جهاد بعد اكتشافه لمنظمة جاسوسية تدعى بالعنكبوت ...


وبعد موته تتدهور صحة ميرنا حتى تصاب بمرض السرطان ويعجز الأطباء عن شفائها ...




تموت ميرنا في روما بعد ان تطلب من هيام ابنتها الكبرى وصيتها الأخيرة ... وهي .... عدم عودة الفتيات الى لبنان مهما كلف الأمر ...




بعد خمسة اعوام اخرى :

( هيام 25 عاما - نادية 23- رؤى21- ياسمين 19 - ميسون 18 - نيران 14 )



أدى خوف هيام واهتمامها المبالغ فيه بشقيقاتها خاصةً نيران التي كانت تمر بأزمة نفسية آنذاك ، ادى هذا كله الى انفصالها عن خطيبها رامز توفيق وهو سوري الجنسية ، وكان احد زملائها بالعمل ... واتفقا على ان يبقيا مجرد صديقين لا اكثر ...

بعد ذلك بدأت المشاكل بالظهور عندما قررت نادية العودة الى لبنان للعيش مع جدها حيث اتخذت قراراً بقبول عرض عمل في شركة سياحية مرموقة ببيروت ، وبعد طول المشاجرات ومحاولات هيام بمنعها من السفر ، خضعت هيام للأمر الواقع واستسلمت لقرار نادية بالرغم من عدم رغبتها مطلقاً بنكث الوعد الذي قطعته على امها ...




بعد ثلاثة اعوام :

( هيام 28- نادية 26- رؤى 24 - ياسمين 22- ميسون 21- نيران 17 )


انضمت رؤى الى الشرطة ... اما نادية فتزوجت من جودت الخطيب مديرها في الشركة وبقيت في لبنان ...



بعد عامين : ( الآن )

( هيام 30 - نادية 28- رؤى 26- ياسمين 24- ميسون 23- نيران 19 )


تابعوا الحلقات لتعرفوا المزيد عن حياة بنات روما الستة ...

__________________
آخر مواضيعي

0 دعاء لمرة واحدة في العمر
0 قصة شاب تعلق قلبه بالمساجد
0 صعيدي والتكنولوجيا
0 لعبة أحلى تحية
0 موسوعة الحزازير الصعبة مع اجوبتها ( متجددة )

FIDAA 88 غير متواجد حالياً   رد مع اقتباس
قديم 04-02-2009, 03:14 PM   #3
{.::قــمر مــبدع::.}
 
الصورة الرمزية FIDAA 88
تاريخ التسجيل: Mar 2009
الدولة: هووووون
المشاركات: 2,808
افتراضي

ضعوا ردودكم لأضيف الحلقة الأولى .........
__________________
آخر مواضيعي

0 السر في رقم 7
0 كوب من اليانسون
0 إفتخري لأنك إمرأة
0 انواع الإبتسامات
0 اشتقتلكوا يا احلى الأصحاب

FIDAA 88 غير متواجد حالياً   رد مع اقتباس
قديم 04-02-2009, 03:31 PM   #4
{.::قــمر مــبدع::.}
 
الصورة الرمزية mr.lebanon
تاريخ التسجيل: Oct 2008
الدولة: زغرتا
المشاركات: 13,041
Unhappy

اناة بدي ايميل نادية



__________________
سورية عروس الكون والله حامي سورية
Mr.LiPaNaHaY
آخر مواضيعي

0 مجموعة اغاني بصوت نجم قمر لبنان العضو mr.lebanon
0 ملحم زين+عاصي الحلاني..ريمكس
0 اسطورة الراعى و النساجة (اسطورة صينية)
0 ألبوم ملحم زين على واه سي دي كواليتي +الكلمات
0 كليب أغنية بيكفي إنك لبناني للفنان عاصي الحلاني

mr.lebanon غير متواجد حالياً   رد مع اقتباس
قديم 04-02-2009, 03:34 PM   #5
{.::قــمر مــبدع::.}
 
الصورة الرمزية FIDAA 88
تاريخ التسجيل: Mar 2009
الدولة: هووووون
المشاركات: 2,808
افتراضي

ههههههههههههه رح حاول جبلك هوي انطرلك 100 سنة ههههههههههه
__________________
آخر مواضيعي

0 اطلب صورة - يرجي التثبيت
0 مستر او مسيز زووووق
0 مستر او مسيز زووووق
0 فيدوووووو رجعت اشتقتلكوا كتير
0 to my friends

FIDAA 88 غير متواجد حالياً   رد مع اقتباس
قديم 04-02-2009, 04:09 PM   #6
الـمشرفة الـعامة
 
الصورة الرمزية Honey Girl
تاريخ التسجيل: Sep 2008
الدولة: حالياً.. هووون
المشاركات: 77,302
افتراضي

فكرة حلوة كتير ومسلية

ميرسي الك عالموضوع
__________________
آخر مواضيعي

0 العشـق: الجرعـة الزائـدة غيــر مضــرة
0 عمرو خالد يدخل تلفزيون الواقع لاكتشاف دعاة إسلاميين جدد
0 زيارة بالمستشفى
0 خبير تجميل : في الصيف.. تألقي بالألوان البرونزية
0 الراعي: لإعطاء فرصة للإصلاحات التي بدأها الأسد

Honey Girl غير متواجد حالياً   رد مع اقتباس
قديم 04-02-2009, 04:21 PM   #7
{.::قــمر مــبدع::.}
 
الصورة الرمزية FIDAA 88
تاريخ التسجيل: Mar 2009
الدولة: هووووون
المشاركات: 2,808
افتراضي

اهلا عسولة بتمنى تعجبك الحلقة الأولى
__________________
آخر مواضيعي

0 اجمل تواقيع مجنون ليلى
0 جون كترز الرجل الذي سيغير العالم
0 أحلى همسة ( مجموعة فرفشوا يا عرب )
0 انواع الإبتسامات
0 أتمنى قراءتها ببصائركم لا بأبصاركم

FIDAA 88 غير متواجد حالياً   رد مع اقتباس
قديم 04-02-2009, 04:36 PM   #8
{.::قــمر مــبدع::.}
 
الصورة الرمزية FIDAA 88
تاريخ التسجيل: Mar 2009
الدولة: هووووون
المشاركات: 2,808
Talking الحلقة الأولى

الحلقة الأولى :

يوم البيسنز العالمي




في احد شوارع روما تمر ياسمين بجانب البقالة ...



*البقال : صباح الخير يا ست ياسمين .... عندي اليوم خضرا طازجة غير شكل شو رأيك تجربيها ؟



*ياسمين : لا دخيلك عم حاول اعمل رجيم ...



*البقال : الله يسامحك معقول تحرمي حالك ؟؟ والله شكلك مثل جوليا روبرتز ...



*ياسمين : عنجد ... اذا هيك اعطيني كيلو تفاح ، و2 كيلو كوسا ... و بدي رز كمان او اقولك اعطيني من هيدا وو....



في مبنى اوردين عند الطابق الرابع في الشقة 66 يقرع الباب بشدة ، تركض هيام لفتح الباب ...





*هيام : ياسمين شو هيدا كله ما على اساس ريجيم وما ريجيم !



*ياسمين تضع الأكياس على الطاولة ) اوووف ! ما تعمليلي مثل ميسون ما نقصني انا هيك مرتاحة ...



*هيام : ( مع ضحكة ساخرة ) مرتاحة ! طيب روحي فيقي الصبايا عشان يفطروا ...



*ياسمين : حاضر ...



تخرج ميسون من غرفتها لتسمع صوت الصراخ آتي من غرفة رؤى فتذهب لترى ما يجري .... فتقف على باب الغرفة لترى رؤى مرتدية بذلة الشرطة موجهة المسدس نحو رأس ياسمين ...




*رؤى : انا كم مرة قولتلك ما تدقي على باب غرفتي وتزعجيني اه ؟؟



*ياسمين : ( بنبرة من الخوف )والله كنت بس بدي صحيك مو اكتر ... عنجد انا آسفة ، خلص التووووووبة !!



*ميسون : ( تفرقهما عن بعضهما البعض ) رؤى هيدا المسدس للمجرمين مو للمجانين ... خلصنا بقا ...



*ياسمين : ( بغضب ) و الله شو هلأ انا المجنونة ست ميسون ....



تدخل نادية الى الغرفة ...



*نادية : شو بكوا بعدنا الصبح يلا امشوا معي نفطر اخوة آخر زمن ، شو انا تركت لبنان وجوزي وجيت قضي وقتي معكن بالخناق والزعل .... شو نسيتوا اني حبلا يلا لشوف لبرا ؟؟



تأخذ رؤى المسدس بغضب وتوجهه نحو الجنين في بطن نادية ... ترفع نادية يديها الى فوق كالمجرمين



*نادية ترجف من الخوف ) حرام عليك شو نسيتي انك خالتو للصبي ...



*رؤى : طيب سماح يلا لأشوف لبرا( تشير بالمسدس نحو الباب ) ...


تخرج الفتيات الى خارج الغرفة ثم تدخل ياسمين الى الغرفة الموجودة في آخر الممر ، تدخل اليها وتفتح الستائر لتدخل اليها اشعة الشمس ثم تتوجه الى سرير نيرا وترفع الغطاء عنها ...


*ياسمين : نيرا حبيبتي إصحي رح تتأخري على الجامعة يلا إصحي حبيبتي ... صارت الساعة 11 ..

*نيرا : ( تنهض بسرعة ) شو ! تأخرت على المحاضرة ...

ترتدي نيران ملابسها وتسرح شعرها بسرعة...






تجتمع باقي الفتيات حول مائدة الطعام لتناول الفطور ...

*هيام : اسمعوا انا اليوم رح اتأخر ، اوكي عندي مقابلة مع مؤسسة الأيتام ...

*نادية : ايه حبيبتي مو مشكلة ، ان اصلا ً رح ابقى بالبيت اليوم ..

ترتدي نيران معطفها وهي مرتبكة ، وتنظر يميناً وشمالاً كأنها تبحث عن شيء ما ..


*ميسون : يي على شو عم تدوري ؟؟ مو لازم نقول صباح الخير بالأول حبيبتي ؟؟

*نيرا : أاانا اسفة ... عم دور على مفتاح السيارة ؟؟

*هيام : ايه حبيبتي المفتاح بإيديك شو بكي ؟؟؟

تضحك ياسمين وتسقط على الأرض آآآآآآآآآآآآآآخ ....

*نيرا : خلص حاجي تضحكي ... انا بس متلبكة شوي اوكي تأخرت على المحاضرة وخايفة الدكتور ما يقبل يدخلني .....

*نادية : ليش على زوقو مو عم يوخذ اجرتو كل شهر ؟؟؟

*هيام : طيب افطري الأول

*نيرا : لا ، بفطر بالجامعة يلا باي ....

*البنات : باااااااااي

*هيام : طيب انا لازم امشي يلا باي


من شدة عجلتها اخذت الملف الذي على طاولة المطبخ بدلا ً من ملفها الموجود على مكتبها ...

*ميسون : خذيني بطريقك انا لازم اوصل على شركة ناباولو ( لتصميم الأزياء وعرضها ) عشان وريهن على التصاميم يلي صممتها لحفل بكرا ....

*هيام : ايه ، يلا بسرعة بس ....

تبحث ميسون عن الملف ولا تجده فتدخل الى غرفة هيام وتأخذ ملفها الموجود على المكتب .... وتغادر الفتاتين بسرعة ...
تنهض ياسمين عن طاولة الطعام ....

*ياسمين : اااخ يا الله بتصدقي اني بعدني جوعاني يمكن من رياضة المشي يلي عم اعملها الصبح ...

*نادية تضحك )ايه حبيبتي عشان تضعفي ويجي نصيبك !

*ياسمين : اكتر من هيك ،والله مو شايفة ؟؟ شو اعمل اذا ما بقدر استغني عن الأكل ؟؟

*نادية : طيب يلا روحي غيري ثيابك رح تتأخرى عالشغل ، ولا بدك انور يفضل آدم عليكِ ؟؟

*ياسمين : ايه معك حق لازم امشي ...


تدخل ياسمين غرفتها لتغير ملابسها اما نادية فتدخل الصحون الى المطبخ لغسلها ...


*نادية : ياسمين رح تتأخري شي اليوم ؟؟؟

*ياسمين : ايه حبيبتي اليوم جاي شخصية مهمة على المطعم الله اعلم مين ؟؟ وكمان رح يجي الشيف ادوارد على المطعم عشان يشوف الوصفات الأكل يلي بحضرها ويقارنها بجودتها ونوعيتها مع المطاعم التاني يعني انا اليوم يمكن اتأخر كتير ...

*نادية : اوكي حبيبتي

*ياسمين : يا الله وين راح ؟؟

*نادية : على شو عم تدوري ؟؟؟

*ياسمين : ملف الوصفات حطيتو على الطاولة هون وما لاقيتو ؟؟

*نادية : دوري منيح بركي حطيتو بمكان تاني ونسياني ؟؟؟

*ياسمين : يمكن معك حق ...

تبحث ياسمين في غرفة الطعام والصالون لكنها لا تجده ثم تدخل غرفتها (وهي غرفة ميسون ايضا ً) تبحث في كل مكان ... فتجده تحت كومة الثياب التي وضعتها ميسون ...

*ياسمين : يا الله من هالبنت متعودي دايما ً على اللبكة اووف ... يلا باي نادية انا لازم روح اوكي ؟؟

*نادية ( من المطبخ ) : اوكي حبيبتي يلا باي ...


__________________
آخر مواضيعي

0 كن صديقي
0 جدول السعرات الحرارية للأطعمة والسعرات المفقودة
0 صور برو او (Shannen Doherty)
0 استديو الحمير
0 إقرؤا يا أمـــــة اقرأ

FIDAA 88 غير متواجد حالياً   رد مع اقتباس
قديم 04-02-2009, 04:39 PM   #9
{.::قــمر مــبدع::.}
 
الصورة الرمزية FIDAA 88
تاريخ التسجيل: Mar 2009
الدولة: هووووون
المشاركات: 2,808
افتراضي

في الجامعة :

تركض نيرا على الدرج حتى تصل الى القاعة فتجد الباب مقفلا ً ...

*نيرا ( لنفسها ) : يا الله شو رح اعمل هلأ ؟؟ اووف ... نيران شو بنا كوني قوية ما رح يصرخ عليكِ ... يالا خذي نفس واقتحمي القاعة ....

فتحت نيرا باب القاعة ودخلت ...

*الدكتور : وهيك بنكون طبقنا تصوير المقطع الدرامي ..... ( يتوجه بحديثه نحو نيرا ) انت كيف بتدخلي هيك،تفضلي لبرا يا آنسة وتاني مرة اذا بتعيدها و بتتأخري على المحاضرة ممنوع تداومي عندي فهوم؟؟انقلعي لبرا ...

وقفت نيران مصدومة وشعرت كأنها ستنفجر من البكاء فهي غير معتادة مطلقاً على هذا النوع من الجدال فركضت خارجة من القاعة وهي تبكي بشدة ...

*الدكتور للطلاب : بيعرفوا يحطوا مكياج ويلبسوا احلى لبس ويقفوا بالساعات قدام المراية ....

*احدى الطالبات : معلش دكتور ... طالبات جامعة ..

في خارج الحرم الجامعي جلست نيران على احدى مدرجات المدخل وكانت مصدومة جداً فمر بجانبها الدكتور جمال
( وهو احد اساتذتها بالرغم من صغر سنه ويبدو انه معجب بطالبته نيرا المسكينة ) ...



*جمال : نيران !! خير شو في شووو ؟؟ مين مزعلك ؟

*رفعت نيرا رأسها : صباح الخير دكتور جمال ، ما في شي .... بس انا بنت تافهة و كسولة كمان وبستاهل الطرد كمان ...

*جمال : اوووف ... رح تزعليني منك أصلا ً انت الطالبة الوحيدة يلي بهالجامعة يلي ما بينطبق عليها هالحكي ... خير بس قوليلي مين يلي مزعلك ؟؟؟

اخذت نيران تشرح لجمال ما جرى معها وفي هذه الأوقات اخذ احد الشبان الوسماء عند مدخل الجامعة ينظر يميناً وشمالاً كان ذلك الشاب ( مهند ) لمح مهند تلك الفتاة التي تشكو لجمال فقال لنفسه : طلاب جامعة فعلاً !!

وفجأة امسك شخص بيده ولواها الى ظهره كان ذلك رامز

( خطيب هيام السابق ) ...



*رامز : شو يا سمو الأمير اعترف امتين رجعت من فرنسا ؟؟؟



يهجم مهند على رامز ويسقطه ارضاً ..



*مهند : والله اشتقتلك يا بروفيسور ...



*رامز : يلي بيشتاق بيتصل ولوو ؟! شو رح علمك العادات والتقاليد مستر شارلوك هولمز ؟! او بتعرف عم افكر سميك سانشي كودو لانو تصرفاتك صبيانية متلو مو هيك يا كونان ؟؟؟



*مهند : هيهييه ، اسمع انا جاي سلم وبس ولازم اطلع اليوم مع الملكة اليزابيث امي ام مهند يعني ( الست جينا ) لمطعم فاخر احتفالاً بعودتنا من باريس .... عجبك بالله ؟؟



*رامز : وانت اكيد جاي تعزمني مو هيك ؟؟



*مهند : شو شايفني مجنون طبعاً لأ بدك الست جينا تذبحني ؟!



*رامز : ايه بتوفر ...





في مؤسسة الأيتام :



*هيام ( تمشي في الممر ) : اووف لازم اعرف تماما ً شو بدي قول للمؤسسة ، مساكين هالأطفال يمكن البحث يلي عملتو يفيدن بشي ؟!



دخلت هيام الى مكتبها ( مكتب المرشدة الإجتماعية ) وفتحت الملف لتجهز نفسها للمقابلة وكانت الصدمة قوية ...



*هيام لنفسها : لا لا لا مو معقول شو هيدا وصفات اكل شو دخل الأيتام بالسباغيتي والأنشوين او السمك يا الله اكيد اخذت ملف ياسمين بالغلط ... شو لازم اعمل البيت ايه البيت لازم روح عالبيت ضل معي 3 ساعات بس ... الله يستر .. ( تغادر هيام نحو المنزل )



طلبت هيام المصعد لتصل الى شقتها لكن على ما يبدو انه كان معطلاً فهرعت صاعدة ً للطابق الرابع حتى وصلت اخيراً ففتحت الباب وهي تحاول اخذ نفسها واخذت تصرخ : ياسمين ؟؟ ياسمين وينك ؟

ثم دخلت نادية الى المنزل وعلى ما يبدو انها هي من كان يشغل المصعد ..



*نادية : شو في ليش اجيت ، وليش عم تلهثي هيك ؟؟



*هيام : نادية حبيبتي قوليلي انو ياسمين ما اخذت الملف الأزرق معها ..



*نادية : بلا اخذتو معها لكان فيو وصفات مممممم بتفتح النفس ...

*هيام : وليك اي وصفات وصفاتها معي ، بس يا ترا بحثي معها ؟؟ يلا امشي معي ؟؟


*نادية : شو امشي هلأ كنت مع لجين عند جاريتنا سوسن ونصحتني اني لازم ابقى مرتاحة ...



*هيام : بدك تروحي معي لأني حاسي حالي رح اختنق ... يا الله هالملف فيو مستقبلي كله ..






شدت هيام نادية من يدها وركضت نحو المصعد ...

صعدت نادية وهيام بالسيارة وانطلقتا نحو المطعم ....
__________________
آخر مواضيعي

0 اعرف اسمك بالياباني
0 أجمل تواقيع الأعضاء
0 صرخت و صرخت ثم ابتسمت
0 موسوعة الحزازير الصعبة مع اجوبتها ( متجددة )
0 التواقيع المرشحة للفوز بلقب أحلى همسة

FIDAA 88 غير متواجد حالياً   رد مع اقتباس
قديم 04-02-2009, 04:46 PM   #10
{.::قــمر مــبدع::.}
 
الصورة الرمزية FIDAA 88
تاريخ التسجيل: Mar 2009
الدولة: هووووون
المشاركات: 2,808
افتراضي

في شركة ناباولو :

تنتظر ميسون دورها للدخول الى اللجنة ، اخيراً يصل اليها الدور فتدخل ...

*احد الحكام : آنسة ميسون شلق ، ممكن تورجينا التصاميم ؟؟

*ميسون : طبعاً وانا متأكدة رح تعجبكوا

اعطت الملف للجنة فنظر الجميع الى الملف متفاجئين ثم نظروا اليها مصدومين فقالت احدى الحكام ..

*السيدة : بس يا آنسة شلق احنا طلبنا تصاميم بدلات اعراس مو صور لأيتام ..

*ميسون ( تأخذ الملف منها متعجبة ) : شو لالا مستحيل يا ربي لا والله يا ورجيكي يا ست هيام ...

خرجت ميسون بسرعة من الغرفة ونادت اللجنة على المتسابقة التالية ...


في المنزل :


فتحت نيران الباب ودخلت وجلست على الكرسي وهي تشعر بأنها لم تعد تريد ان ترى الجامعة بعد اليوم على الإطلاق ...


ثم دخلت ميسون الى المنزل وهي تصرخ :



هيييييياااااااااااااااااااااااااااااااااااااااام



*فارتعبت نيران وصرخت : شوووو بكي رعبتيني بالأول الدكتور وهلأ انت حرام عليكو رح اتعقد !!



*ميسون : شو دخل الدكتور الزفت هلأ ، وينها هيام ما عم ترد على موبايلها ..



*نيران : ما بعرف ما في حدا بالبيت لا نادية ولا هيام



*ميسون : لكان اكيد راحوا عند الآنسة ياسمين على المطعم يلا امشي



*نيران: لوين انا تعبانة ..



*ميسون : شو لوين ما فهمتي على المطعم



*نيران : طيب مو نتصل احسن



*ميسون : ما عندي وقت يلا شو نسيتي انو السيارة معك ؟؟



*نيران : طيب لحظة لأجيب ....



ميسون تشد يد نيران وتغادران المنزل للذهاب الى المطعم ...

في المطعم :

في داخل المطبخ وقف آدم يتذوق الطعام ...

*آدم : ياسمين الا تلاحظين ان الطعام ينقصه الملح

*ياسمين : نعم استاذ آدم ما عاجبك اكلي ، اسكت احسن ما اجبلك رؤى تعلمك !

*آدم : كلا كله الا رؤى طعامك لذيذ فعلا ً ..

*ياسمين : ايه فكرت !

تفتح ياسمين الملف لتراجع الوصفات ..

*ياسمين ( بدهشة ) : لأ مو معقول يا الله هيدا ملف أزياء ميسون ...

*آدم : ماذا ؟؟ أانت واثقة؟

*ياسمين : شوف هيدي فساتين ولا طبيخ ؟؟

*آدم : لا هذه ليست بطببيخ ...

ياسمين تحمل الهاتف ... يرن الهاتف في المنزل من دون اي مجيب

*ياسمين : يا الله لازم هلأ تكون صارت بالبيت ...
وموبيلها مشغول كمان ( تحاول ان تطلبها ) ...


في مركز الشرطة :

*رؤى : صباح الخير شباب ....

*ميس : اهلين بالضابط رؤى

*يدخل هشام مسرعا ً : رؤى كويس انك اجيتي العقيد بدو يشوفنا

*ميس : شو حبيبي وما بدو يشوفني

*هشام : اه ... لأ

*رؤى (تدفع هشام نحو مكتب العقيد) : شو هبلتك خطيبتك ؟؟

*هشام : آآآخ والله ما في مثلها يا سيدي ست حلوي وانيقة وكلها انوثة ... شو بدك احلى من هيك ؟؟

*رؤى : اولاً انا ستي مو سيدي وثانياً ما تحكي معي بهاللهجة احنا مجرد زملاء مو صاحبك بالقهوة مفهوم يا استاذ هشام ؟؟

*هشام : ااه ... ايه ايه مفهوم خلص بقا
يدخل هشام و رؤى عند العقيد مروان ويؤديان التحية

*رؤى : صباح الخير سيدي خير شو في ؟؟

*هشام : اكيد طلبتنا عشان قصة حماية العائلة الملكية مو هيك ؟؟

*رؤى : عائلة ملكية ؟؟ ليش في لروما ملك ؟؟

*مروان :هلأ ما وقت الأسئلة السخيفة انتوا ما رح تحرسوا العائلة بس رح تراقبوا عن بعيد تحسباً للعمليات الإرهابية المحتملة ... مفهوم ؟؟

*هشام ورؤى معاً : مفهوم سيدي

يصعدان في سيارة الشرطة وينطلقا ... نحو المطعم !! ....


في المطعم :



دخل أنور يبحث عن ياسمين فلم يجدها ....



*أنور ( يأخذ الملف ) : لكان هيدا ملف الوصفات ...



اخذه انور وسلمه الى الشيف ادوارد لحسن الحظ ان الشيف وضعه جانباً حتى ينهي نقاشه مع لجنة المطعم ...







آدم يلحق بياسمين ...



*آدم : ياسمين يجب الا تغادري .... اليوم يوم مهم



ارتدت ياسمين المعطف



*ياسمين : بس انا لازم اعطي الملف لميسون والا بتنجلط ...
( تتذكر ) صح انسيت اجيب الملف




آدم و ياسمين يدخلان المطبخ فتدخل عليهم هيام ونادية



*هيام : ياسمين حبيبتي ملفي بليزز قوليلي انو الملف معك



*ياسمين : شو لأ لحظة مو ملفك يلي معي



*هيام : ( بنبرة حزينة ) شو مو ملفي لكان ملف مين ؟؟



*ياسمين : ملف ميسون !!



*نادية : يا الله طيب وين ملف هيام ؟؟؟



*ياسمين : ( تحسبها ! ) اكيد مع ميسون



تسقط هيام أرضاً ...



الجميع : هيام !!!





يحضر آدم الماء ويرشه عليها ..



*نادية : حبيبتي اصحي ( تصحى هيام )



*هيام : ضاع مستقبلي كلو ضاع





*ياسمين : لا ضاع ولا شي هلأ من روح منعطي ميسون ملفها ومنجيب ملفك ... بس لحظة ملفي انا معك صح ؟؟ بليزز قولي انو معك ؟؟



*هيام : ايه معي ...



ياسمين تأخذ الملف وتنادي انور ...



*انور : نعم شو في ؟؟



*ياسمين : امسك الملف انا لازم اضهر هلأ اوكي ...



*انور : اي ملف ؟؟؟



*ياسمين : الوصفات !!!



*انور : قديمة هههههههه لاقي مزحة تاني



*ياسمين : لحظة شوي ( تبحث عن ملف ميسون ) وين الملف



*انور : ايه الملف يلي كان على الطاولة اعطيتوا للشف ...

*ياسمين : شوووووووووووو!!



بدأت هيام تضحك وتقول : هههههههه مو مستقبلي بس يلي ضاع مستقبلنا كلنا ذهب مع الريح ولم يعد ...



تغضب ياسمين وتهجم على انور وتضربه برأسها فيسقط أرضاً

ميسون ونيران يناديان ياسمين .... وتدخلان الى المطبخ لتجدا انور على الأرض ...



*ميسون : هيام ... اطلعي بملفي لشوف !





*هيام : ميسون حبيبتي روحي ملفي معك مو هيك ؟؟



*ميسون : ايه معي يا آنسة هيام تفضلي



تأخذ هيام الملف وتقبله ....



*ميسون : وهلأ ممكن اخذ ملفي ؟؟؟



*هيام : ايه حبيبتي ... شايفي الشيف السمين هونيك روحي لعندو واطلبيه



تنظر ميسون الى الشيف بتعجب !!



*نيران : ليش شو دخل الشيف وشو بو انور مسطح على الأرض كأنو خبطو فيل ؟!



*آدم : كلا اطمئني انها ياسمين



*نيران ( ببساطة ) : ايه اذا ياسمين بسيطة ...



*نادية : ميسون حبيبتي ملفك موجود مع الشيف استاذ انور بدله مع ملف الوصفات ...



*هيام : صبايا اهدوا انا بعد معي ساعة للإجتماع خلينا نلاقي حل لهل ورطة لوقعينا فيها ... أوكي ؟؟



*الجميع : اوكي



*ياسمين : يا رب ما يفتح الملف والله بننطرد من المطعم اذا فتحوا....



*آدم : يبدو ان موكب العائلة الملكية قد بدأ يجب ان تجدوا حلاً بسرعة ..

__________________
آخر مواضيعي

0 انواع الإبتسامات
0 english students
0 لكل شيء قمة
0 مجنون الإبداع الف مبروك
0 فيدوووووو رجعت اشتقتلكوا كتير

FIDAA 88 غير متواجد حالياً   رد مع اقتباس
إضافة رد

الكلمات الدلالية (Tags)
بنات روما

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
صور هانا مونتانا حصري +حصري منقول حسنين الفراتي صور فنانات لبنان والعالم 6 09-28-2010 03:11 PM
حصري صور الجميله نور2010 حسنين الفراتي صور فنانات لبنان والعالم 11 03-09-2010 10:58 AM
هندي يشرح الأبراج : عديلة نكت لبنانية Lebanese Jokes 3 01-23-2010 09:23 PM
مع فيدوووووووو( حصري ) FIDAA 88 منتدى قمر لبنان العام 63 04-14-2009 07:22 PM
قصة عن اعضاء المنتدى - حصري FIDAA 88 منتدى قمر لبنان العام 25 03-15-2009 02:46 PM


الساعة الآن 09:29 AM


Powered by vBulletin® Version 3.8.7
Copyright ©2000 - 2022, vBulletin Solutions, Inc.
Search Engine Optimization by vBSEO ©2011, Crawlability, Inc.
© جميع الحقوق محفوظة لمنتديات ليب مون قمر لبنان 2016.